DAIŞ’ê perestgeha li Palmîra hilweşand

NAVENDA NÛÇEYAN – Çeteyên DAIŞ’ê dijminatiya li dîrokê dewam dikin. Çeteyan perestgeha Balşamîn a li bajarê antîk Palmîra, bi teqemeniyan hilweşandin.
Çeteyên DAIŞ’ê dijminatiya li dîrokê dewam dikin. Çeteyan perestgeha Balşamîn a li bajarê antîk Palmîra, bi teqemeniyan hilweşandin. Midûriyeta Dîroka Antîka ya Sûriyeyê da xuyakirin ku çeteyên DAIŞ’ê li Palmîra ya ji meha Gulanê û vir ve dagir kiriye, perestgeh hilweşandiye.
Di daxuyaniya Mamûn Abdulkerîm de hat ragihandin ku perestgeh yek ji girîngtirîn berhemên li Palmîra bû. Hat gotin ku beşeke mezin a perestgehê hilweşiya ye.
Ev perestgeha ku di sala 17’an a piştî zayînê de ji bo bîranîna xwedayê ezmanan ê Fenîkeyiyan Balşamîn hat çêkirin, ji aliyê împaratorê Romayê Hadrîen ve di sala 130 de hat mezinkirin û berfirehkirin.
Mamûn Abdulkerîm got, “Tişta herî nebaş a em xwe jê vedigirin, diqewime.”
Çeteyên DAIŞ’ê, Şêrê Atena yê li pêşiya Muzeya Palmîra di meha Tîrmehê de hilweşandibûn.

Yoldas Guzelyildiz

Hello my name is Zagros. I am Kurdish I have created this site since 2014 to inform people who interest Syrian Kurds. My site will help you to learn about the situation of the civil and military Rojava with known sources. Thank and do not forget to comment!

No comments:

Post a Comment